chlii & härzlich

Härzliche Dank für aui Bsüech, Komplimänt und fröhliche Gsichter, wo üs dür die zwe Märit-Täg hei begleitet. Mir si gärn für öich da gsi, hei Bewährts witergfüehrt und Nöis usprobiert.

Leider heimer das Mau weniger Rückhaut im Rahme vo Bsuecher us Quartier, Dorf, Gmeind und Vereine erläbt. Usserdäm schiint z Konzept (ohni Stäng) gwüssi Lüt zum Stähle z verleite. Das möchte mir nümme. Drum gseh mir ir Zuekunft vor Dürefüehrig vo däm Alass ab.

Danke aune, wo üs ungerstützt hei. Und danke aune Ustteuer/inne wo üs ihri wunderbare Produkt avertrout hei.

Härzlichi Grüess, e schöni Adväntszit und aues Guete

Sarah & Ritschie

z OK

Coiffeur Cellar Cut - Barbara Scheurer: Im Coiffeurstuehl erwartet di es chlises Ufhübsch-Programm.

KaSi - Karin Siegenthaler: Liebevou gnäiti Stoffartikle wie Täschli, Necessaires und witeri praktischi und schöni Sache, wo der Autag schöner mache.

Krimsalabim - Andrea Bastuck: Schiudli, Magnet, Chüssi und Deko zum Verschänke oder sich säuber e Fröid mache.

ImaGINarium - Erich Bielser: Der erscht Grasswiler Gin und Glüeh-Gin für aui, wo e aspruchsvoue Goume hei.

Lehmanns Nähstübli - Käthy Lehmann: Ungloublich härzigi Chleider für Bébé u Chliching und modischi Lieblingsstück für grösseri Kids.

Schatzchämmerli Grasswil - Sarah Bielser: Gschänkideeä, usgwäuti Sache u Sächeli und z Chinderbuech "Tschäck".

Seeberg-beef.ch - Hof Familie Reinhard: Feini Trochewürst us hofeigetem Rindfleisch, witeri Hof-Produkt und Pasta Puglia vor italiänische Verwandtschaft.

AniLu - Anita Luder: Advänts-Chränz für die schönsti Zit im Jahr - Trochebluemechränz, Stoffblueme und Schmuck für d Ewigkeit.

Cornelias Kreativstübli - Cornelia Grütter: Modischi und warmi Accessoires, schöns u praktisches füre Hushaut u no schöners für Froue.

Christian Gygax: Salami und Schnouserli, wo zum Verschänke fasch z fein si.

Handtuch-Origami - Sabrina Vogt: Frottierwösch i schöne, härzige und überraschende Forme.

Resula - Regula & Res Wanzenried: Us Houz u Läder gfertigti Mitbringsu, wome nid zletscht gärn dranne schmöckt.

Weidhof - Patrick Christen: Aronia-Produkt, Honig und Konfi, wo uf der Zunge zergöh und a vergangnig Summer erinnere.

Eselmüller-Stiftung: Gschänkideeä für chlini u grossi Esufründe. (Sämtlichi Inahme chöme der Pfleg und artgrächte Hautig vo vernachlässigte Esle zguet.)

LR Keramik Lena Röthlisberger: Virtuos töpferets Gschirr und Windliechter.

Binschellis Dies & Das - Eveline Binggeli: Wärmechüssi, Drahtfigure, Türstopper, gravierti Kostbarkeite und angeri Gschänk für aui Sorte vo Mönsche.

Jelena Gartmann & Sandra Waldraff: Liebevou agfertigti Makramee-Armbänder und Haus-Chötteli, bemauti Steine und Gruess-Charte.

eMsä - Sandra Emmenegger: Säubergmachti Utensilos, Bejiwachstüecher und luter feini Sache us der Hof-Chuchi.

Anouk Stöckli: Der Erlös vo ihrne verchoufte Guetzli- und Magebrot-Seckli spändet d Anouk ihrem Verein Voltige Emme.

Cécile Baumgartner: Ätherischi Öu - verpackt aus wunderbari Gschänk wo lang Fröid mache und wou tüe.

Festwirtschaft

Es git Glüeh-Wii, Glüeh-Gin, Wiehnachtstee, Raclette-Härdöpfle und chüeus Dünns.

Ou das mau wird wieder der TV Steinenberg-Grasswil üsi Festwirtschaft und Märitkasse betribe. Härzliche Dank im Vorus - dir sit e super Crew.

Gerbers Chürbissuppe

Gerbers Froue und Modis chöme mit orange Häng vom Rüste ihri feini Chürbissuppe bi üs cho usschänke. E super Ergänzig zu üsere Festwirtschaft.

Früschi warmi Waffle

D Landfrauen Seeberg wärde a de Waffle-Ise wieder aues gäh, damit sich aui Märitbsuecher/inne die warme Waffle chöi uf der Zunge la zergah.

Im Gschichtli-Wohnwage verzeut d Organisatorin zu usgwäute Zite säuber gschriebeni Advänts-Gschichte (jewils ca. 20 Minute).

Fritig: 18.30

Samstig: 15.00 und 17.30

Wär wott darf üsi Malvorlag usfärbe und bi üs ufhänke oder mit hei näh.