Mir wei wieder e chline Märit rund um üses Daheime realisiere: e Flohmärit.

Bisch daheime am Entrümple, züglisch scho gli und richtisch di nöi i, si dini Ching us vielem usegwachse oder hesch eifach schöni Sache, wo nomau öpperem söue Fröid mache? De zeig dini Schätz am Grassu Bijou und fing die passende Chöifer. Es git öppis z Ässe, me höcklet zäme und stosst a, het e gueti Zit und d Ching chöi sich gäbig vertörle.

Bi däm Märit chöi aui Ussteuer ihri Ware säuber cho verchoufe. Ou Ching dörfe mit der Iwilligung vome Eutereteil e chline Verchoufsstang betribe. Mäud di bis am 13.5.2022 a - ab eim Meter Standgrössi bisch derbi.

Wichtigi Info: Mir fröje üs ou über Ussteuer mit Kunsthandwärch, Säubergmachtem, Hofprodukt und Lädeli-War.

Verastautigs-Flyer

Mir fröje üs über jedi Amäudig. Amäudige wärde nach Igang berücksichtiget. Wenn aui Plätz usverchouft si, deaktiviere mir d Amäudig.

Bi offene Frage steit dir z OK vom "Grassu Bijou" gärn zur Verfüegig: